Nothing found
Thank you! Your submission has been received!
Oops! Something went wrong while submitting the form.

Kundima kele nki?

Kundima kele kuwakana na kati na nge mpi bantu ya nkaka mpi yo ke tendula mambu yina beno ke zola kusala kumosi. Beto lenda sadila yo na luzingu ya konso kilumbu, yo vanda ntangu beto ke yula nduku ya mpa ya kisalu kana yandi ke zolaka nde bo yamba yandi to beto ke songa muntu mosi yina beto kutanaka ti yandi na Grindr mambu yina beto ke sepelaka kusala na ntangu ya kuvukisa nitu.

Na yina me tala kuvukisa nitu, kundima ke sadisaka sambu konso muntu kubaka kima yina yandi ke zola kukonda nde bo sala yandi mbi. Kundima ke tadila mingi kusolula na masonga yonso, mpi yo ke salamaka na mitindu zole: kubaka mpi kupesa.

Kubaka ke tendula nde muntu ya nge ke zola kuvukisa ti yandi nitu me songa nge na pwelele mpi na kiese yonso nde yandi kele na lutaninu, ke kudiwa mbote, mpi ke sepela. Beno lenda sala yawu na mitindu mingi, mu mbandu kuyula bangiufula ("Keti mu lenda katula nge bilele...") mpi kupesa bangindu ("Mu ke zola kupesa nge beze, keti nge ta sepela?"). Kuyula muntu ya nge ke zola kuvukisa nitu ti yandi mpi kuwa mvutu na yandi ya mbote ta sadisa beno na kuzabana mpi na kuzitisa bandilu ya konso muntu.

Kupesa ke tendula kusonga muntu ya nge ke zola kuvukisa nitu ti yandi nde nge ke sepela mpi nge ke ndima mambu yonso yina ke na kusalama. Nge lenda ndima na munoko, mu mbandu kutuba nde "ee" to kusala mambu ya ke monisa nde nge me ndima mpi kuzabisa muntu ya nge ke vukisa nitu ti yandi nde nge ke lutisa ntangu ya mbote.

Yo kele mfunu na kuvila ve nde muntu lenda soba bangindu konso ntangu. Keti nge me songaka dezia muntu mosi diambu mosi na Grindr mpi na nima nge kudiwa mutindu ya nkaka ntangu nge me kutana ti yandi kimuntu-kimuntu? Nge lenda soba konso ntangu mabanza na nge sambu na mambu yina nge ke zola kusala. Sambu mbala ya nkaka nge ndimaka kusala diambu mosi ntangu beno kutanaka na Grindr, yo ke tendula ve nde nge fwete sala yo kaka ntangu beno me kutana. Nsuka-nsuka, nge ti bantu ya nge ke zola kuvukisa nitu ti bo, fwete mona nde bo ke zitisa beno mpi beno ke sepela na mambu yonso yina beno ke sala kumosi.

Tala video yayi ya me katuka na Planned Parenthood sambu na kuzaba mambu mingi ya me tala kundima. Lisiti yayi ya me katuka na zulunalu Teen Vogue kele ti bambandu ya ke monisa mutindu ya kusolula na yina me tala kundima. (Lien yayi ke nata na bansangu ya Kingelesi)