Nothing found
Thank you! Your submission has been received!
Oops! Something went wrong while submitting the form.

Keti mono lenda sala ekzame ya VIH na inzo?

Kana nge ke vukisaka nitu mingi, kusala ekzame ya VIH mbala na mbala kele mutindu mosi kaka ya kuzaba kana nge kele ti kimbefo yina. Kansi, yo ke vandaka ve ntangu yonso pete na kukwenda na lupitalu, to nge lenda kudiyangisa nde bantu ta zaba mambu na nge kana nge kwenda na kisika yina bo ke salaka ekzame ya VIH.

Na bisika ya nkaka, bo lenda pesa nge bisadilu ya kusala ekzame ya VIH yina nge lenda sadila nge mosi na inzo. Bisadilu ya kusala ekzame ya VIH na inzo ke basisaka ve mbutu ya mbote bonso baekzame yina nge me sala na lupitalu, kansi kudisadila ekzame kele mbote kuluta kusala ve ekzame. Kana sambu na konso kikuma yina, nge lenda kwenda ve to nge ke kudiyangisa kana nge kwenda na kisika yina bo ke salaka ekzame ya VIH, kudisadila ekzame kele diambu ya zole ya mbote yina nge lenda sala.

Bima mingi ya bo ke sadilaka ekzame ya VIH na inzo ke bakaka bilumbu banda na 23 tii na 90 sambu yo monisa nde nge kele ti VIH. Na ntangu yina, nge lenda sala ekzame mpi kumona nde nge kele ve ti kimbefo yina kansi na kutuba ya masonga nge kele ti yo. Yo kele mfunu na kusala ekzame na nsungi yina mpi na nima na yo sambu na kuzaba kana nge kele ti VIH. Bima yina kele na kati ya bisadilu yayi ta songa nge ntangu yina nge lenda mona bamikrobe ya ke nwanisaka VIH. Kana nge ke yindula nde nge salaka mambu yina lenda sala nde nge baka VIH na bangunga 72 ya me katuka kuluta, solula mbala mosi ti bantu ya ke pesaka lusansu na yina me tala mambu ya kusala sambu na kuditanina na nima ya kusala mambu yina lenda sala nde nge baka VIH.

Bubu yayi, beto kele ti mitindu zole ya kusala ekzame ya VIH na inzo. Ya ntete kele kisadilu ya kusala ekzame yina ke lombaka kusadila coton sambu na kubaka ndambu ya mate mpi kumona mbala mosi mambu yina ekzame ta songa. Mutindu ya zole kele kubaka menga na nge na inzo mpi kutinda yo na laboratoire sambu bo sala ekzame. Building Healthy Online Communities kele ti bansangu mingi ya mfunu ya ke tadila baekzame yayi awa.

Kana baekzame na nge kusonga nde nge kele ti VIH, kwenda na bantu yina ke sansaka yina lenda sala ekzame ya nkaka ya mbote sambu na kundimisa ekzame yina nge salaka na inzo. Bantangu ya nkaka, ekzame ya VIH lenda kusa nde nge kele ti VIH, yo yina yo ke vandaka ntangu yonso mbote na kukwenda kusala diaka ekzame na bantu yina ke pesaka lusansu. Kana bo monisa nde nge kele ti VIH, bo lenda sadisa nge na kuyantika kubaka lusansu mpi kusadisa nge na kukutana ti bangidika ya nkaka ya ke pesaka lusadisu. Kana ekzame na bo kumonisa nde nge kele ve ti kimbefo yayi, nge fwete landa kusala baekzame ya VIH mbala na mbala sambu na kuzaba kana nge me baka yo to ve. Nge lenda zola mpi kusolula ti bantu ya ke pesaka lusansu na yina me tala kuyantika PrEP, nkisi ya mbuma yina bo ke nwaka konso kilumbu yina ke sadisaka sambu nge baka ve VIH.

Sesepi yayi, nge lenda zwa kukonda mpasi bisadilu ya kusala ekzame na inzo na Eropa mpi na Etats-Unis. Tala awa nki bisadilu ya kusala baekzame ya VIH na inzo kele dezia. Kana nge ke zola ve kusadila kima ya kusadila ekzame na inzo, nge lenda zwa kisika ya kusala ekzame ya VIH ya pene-pene awa.