Nothing found
Thank you! Your submission has been received!
Oops! Something went wrong while submitting the form.

He aha te tikanga o te ‘māheahea’?

Mēnā kua pāngia tētahi tangata e te whakaruhi ārai mate (HIV), ā, ka rite tonu te kainga o ngā rongoā e ia, ā, ka tāmihia te huaketo ki tōna tinana, ka kīia taua momo tangata ‘he māheahea’. Nō te mea kua tino tāmihia te huaketo tē taea e ngā whakamātau te kite te huaketo ki tētahi wāhi toto kua unuhia nō roto mai i tōna tinana.

Kua whakapūmautia e ngā kaipūtaiao mēnā kua māheahea tētahi tangata kua pāngia e te whakaruhi ārai mate, ka hauora ake ai tōna oranga, ā, tē taea e ia te whakapoke tētahi atu ki te huaketo. Arā, Māheahea = Tē Taea Te Whakapoke (U=U, Undectable=Untransmittable).

Ka māheahea tonu te huaketo ki te tinana o te tūroro mēnā ka ū tonu tana kai i ngā rongoā kua tūtohutia hei kai māna.

Ehara i te mea kua kore te whakaruhi ārai mate ki te tinana o te tangata mēnā kua māheahea te huaketo, engari, he rautaki whai hua tonu hei whai mō te ārai atu i te whakaruhi ārai mate.

Heoi anō, tērā anō ētahi tāngata e pāngia ana e te whakaruhi ārai mate, ā, kua māheahea te nui o ngā korakora huaketo. Ka taea hoki e rātou te whai wāhi ki te ai haumaru mā te whakamahi i ngā kōwhiringa hei ārai atu i te whakaruhi ārai mate, pērā i te whakamahi i ngā pūkoro ure me te kai rongoā PrEP.

Mō te roanga ake o ngā kōrero, tirohia ngā wāhitau tukutuku TheBody me www.UequalsU.org. (He hononga ki tētahi rauemi reo Pākehā).