Nothing found
Thank you! Your submission has been received!
Oops! Something went wrong while submitting the form.

Bo me katuka kukanga mono kimbefo mosi ya ke sambukilaka na kuvukisa nitu. Inki mutindu mu lenda songa yo na muntu to bantu yina mu ke vukisaka nitu ti bo?

Kana bo me kanga nge kimbefo yina ke sambukilaka na kuvukisa nitu, yo lenda pesa nge mpasi mingi na ntima. Na ntangu yina, yo kele mbote nde nge keba nitu na nge mpi mawi na nge.

Mutindu mosi ya kukeba nitu na nge kele kusolula ti bantu yina ke sadisaka nge. Kuzwa bantu ya nge ke tudilaka ntima yina nge lenda zabisa bo kimbefo na nge lenda sadisa nge na kudiwa mpenza ve nge mosi ntangu nge ke sosa lusansu.

Kaka mutindu nge lenda tanina sante na nge ntangu bo me kanga nge kimbefo, nge lenda pesa mpi bantu ya nge ke vukisaka nitu ti bo ngolo kana nge songa bo nde bo vukanaka ti muntu yina kele ti kimbefo ya ke sambukilaka na kuvukisa nitu. Kana nge songa bantu yina nge me vukisaka ti bo nitu kimbefo na nge yayi, nge ta sadisa bo na kusala ekzame mpi/to na kubaka lusansu nswalu.

Kele ti mitindu mingi yina nge lenda songa muntu yina nge vukisaka ti yandi nitu nde yandi lenda sala ekzame to kubaka lusansu. Nge lenda solula ti bantu yina nge vukisaka ti bo nitu na bilumbu me luta na telefone, na sms to na message na Grindr, to kusonga bo ntangu nge me kutana ti bo. Na bambandu ya nkaka, yo lenda pesa boma to nsoni na kusonga muntu mosi ya nge vukisaka nitu ti yandi nde bo me kanga nge kimbefo, mpi kusala mutindu yina lenda sala nde nge vanda ve na lutaninu. Kana yo kele mutindu yina, nge lenda sadila bisalu ya kupesa bansangu ya kisika yina ke talaka mambu ya sante to site ya kupesa bansangu ya Building Healthy Online Communities. Kansi, nge mosi muntu fwete baka lukanu kana nge ta songa bantu yina nge me vukisaka ti bo nitu mambu ya kimbefo na nge.